حلم

بحيره واسعه وزرقه وصافيه
وشمس بعيده جايه بتغرب

سحابه بيضا بترقص لسه
وكلب بيتنطط ع الميه


مرجيحه طايره عليها ضحكة
حلمى يكونوا أتنين وتلات و أربع ضحكات

طيارة ورق ... وسنارة سمك
وحمامه بيضا ... وعنقود عنب

فرسه بتجرى ... أجرى وراها
لآ لسه تفاحتى خضرا
ثانيه واتنين وتلاته ... هاتكون الفطيره جاهزه

دقة خفيفه ع الشباك ... خطفت قلبى بشقاوتها

ونسمه دافيه حضنتنى ... وضحكة عاليه ندهتنى

وهلال هل على سمايا
وحكيتلك عن أرنب نونو

وعيونك يا ضحكة تنام